ဘန်ကောက်၊ ဩဂုတ် ၂၆
Cloud နည်းပညာနဲ့ ဒေတာစင်တာ ၀ယ်လိုအားတွေ တိုးလာတာမို့ ထိုင်းနိုင်ငံရဲ့ ဟာ့ဒ်ဒစ်ထုတ်လုပ်မှုကို တိုးချဲ့ဖို့ အတွက် အမေရိကန်က ကွန်ပျူတာ ပစ္စည်းတွေ အဓိက ထုတ်လုပ်တဲ့ Western Digital ကုမ္ပဏီ ရဲ့ ဘတ် ၂၃ ဒသမ ၅ ဘီလီယံ (အမေရိကန်ဒေါ်လာ ၆၉၃ သန်း) စီမံကိန်းကို ထိုင်းနိုင်ငံက အတည်ပြုလိုက်တဲ့အကြောင်း ထိုင်းနိုင်ငံ ရင်းနှီးမြှုပ်နှံမှု ဘုတ်အဖွဲ့ (BOI) က တနင်္လာနေ့ (သြဂုတ် ၂၆) မှာ ထုတ်ပြန်ပြောဆိုလိုက်ပါတယ်။
ဒီ ရင်းနှီးမြှုပ်နှံမှုက ဘတ်ဘီလီယံ ၂၀၀ တန် ပို့ကုန်တွေ ထုတ်လုပ်နိုင်မှာ ဖြစ်လို့ အလုပ်အကိုင်ပေါင်း တစ်သိန်း (၁၀၀၀၀၀) ) ဖန်တီးပေးလိမ့်မယ်လို့ BOI က ဆိုပါတယ်။
Western Digital ရဲ့ Thai Facility ဟာ လက်ရှိ ထိုင်းနိုင်ငံက လူ ၂၈၀၀၀ ကို အလုပ်ခန့်ထားပြီး ကမ္ဘာ့ ဟာ့ဒ်ဒစ်ထုတ်ကုန်တွေရဲ့ ၈၀ ရာခိုင်နှုန်းလောက်ကို ထုတ်လုပ်နေတယ်လို့ BOI က ပြောပါတယ်။
ထိုင်းနိုင်ငံဟာ ဆယ်စုနှစ်အတွင်း ဟာ့ဒ်ဒစ်လုပ်ငန်းမှာ ရင်းနှီးမြုပ်နှံမှု ၈၂ ဒသမ ၆ ဘီလီယံဖိုးကို ခွင့်ပြုခဲ့ပြီးလည်း ဖြစ်ပါတယ်။အရင်နှစ်က ပြိုင်ဘက် ဟာ့ဒ်ဒစ်ထုတ်လုပ်သူ Seagate ကလည်း ထိုင်းနိုင်မှာ ဘတ် ၁၆ ဘီလီယံ အထိ ရင်းနှီးမြှုပ်နှံမှုကို တိုးချဲ့ခဲ့ပါတယ်။
အရှေ့တောင်အာရှရဲ့ ဒုတိယအကြီးဆုံးစီးပွားရေးနိုင်ငံကတော့ အလုံးစုံရင်းနှီးမြုပ်နှံမှု ကမ်းလှမ်းချက်တွေ ထပ်ရပြီး ၂၀၂၄ ခုနှစ်အတွက် ဘတ်၈၀၀ ဘီလီယံအထိရောက်ဖို့ မျှော်မှန်းထားတယ်လို့ သိရပါတယ်။
Ref: Reuters/ec
ပုံစာ။ WESTERN DIGITALရဲ့ ထုတ်ကုန်တချို့ကို တွေ့ရပုံ
Feature Image Credit: BLOCKS & FILES
