ရန်မန်းအမြန်လမ်းမှာ လမ်းလယ်ကျွန်းပေါ်မှာ မော် တော်ယာဥ်တစ်စီး မီးလောင်မှုဖြစ်ပွား

ရန်ကုန်-မန္တလေးအမြန်လမ်း၊မိုင်တိုင်အမှတ်(၁၂၉/၇) အနီးမှာ ဒီဇင်ဘာလ၁၈ရက်မနက်၁နာရီကျော်က ယာဥ်မောင်း အိပ်ငိုက်ပြီး မော်တော်ယာဥ်တစ်စီးဟာ လမ်းလယ်ကျွန်းပေါ်က ထန်းပင်ကိုတိုက်မိပြီး မီးလောင်မှုဖြစ်ပွားခဲ့တယ်လို့ အမြန်လမ်းမကြီးမီးသတ်တပ်ဖွဲ့က သိရပါတယ်။

ယာဥ်မီးလောင်မှုကြောင့် ယာဥ်ပေါ်ပါ အမျိုးသားနှစ်ဦးစလုံးထိခိုက်ဒဏ်ရာ ရရှိမှုမရှိခဲ့ပေမယ့် ယာဥ်တစ်စီးလုံး မီး လောင် ဆုံးရှုံးခဲ့ရတယ်လို့ သိရပါတယ်။

မီးလောင်မှုဖြစ်ပွားရာကို ဗောဓိကုန်းအမြန်လမ်းမီး သတ်စခန်းနဲ့ ၁၁၅မိုင် အမြန်လမ်း မီးသတ်စခန်းတို့က မီးသတ်တပ်ဖွဲ့ဝင်များက မီးငြှိမ်းသတ်ရေးနဲ့ကယ် ဆယ်ရေးလုပ်ငန်းများ သွားရောက်ဆောင်ရွက်ပေးခဲ့တယ်လို့လည်း သိရပါတယ်။