ရန်ကုန်တွင် တရုတ်နိုင်ငံသား ဦးဆောင်သည့် ပြည်သူ. လူထုအား ခြိမ်းခြောက်ပြီး ငွေလိမ်နေသော Mashala Tech Co.,Ltd အမည်ရှိ Online ချေးငွေလုပ်ငန်းအဖွဲ့ကို ဖမ်းဆီးရမိ

■အဆိုပါအဖွဲ့ဟာ ချေးငွေ Applicationများကို အသုံး ပြုပြီးDownloadဆွဲမိသူ၏ ဖုန်းအတွင်းမှ Contact ၊ Call log ၊ SMS ၊ Photo ၊ Video ၊ G-Mail ၊ K pay ၊ Wave pay အသုံးပြုသည့် ဖုန်းနံပါတ်များ အပါအဝင် ကိုယ်ရေးကိုယ် တာအချက်အလက်များကို နည်းပညာဖြင့် Hackကာ တ ရားမဝင်ရပြီး ခြိမ်းခြောက်ငွေကြေးလိမ်လည်နေတာဖြစ်

ဖမ်းဆီးရမိမှုဖြစ်စဥ်မှာ ရန်ကုန်တိုင်းဒေသကြီး၊ လှိုင်သာ ယာ(အနောက်ပိုင်း)မြို့နယ်၊ (၉)ရပ်ကွက်၊ နတ်မောက်လမ်း၊ အမှတ်(၄၅၈/က)တွင် နေထိုင်သူ မဆုရည်နွယ်(ဘ) ဦးဝင်းဦးသည် အွန်လိုင်းချေးငွေကိစ္စရပ်များနှင့်ပတ် သက် ၍ ဖုန်းဆက်ခြိမ်းခြောက်ကာ ငွေ ကြေးတောင်းခံမှုများ ပြုလုပ်နေကြောင်း သိရှိရ သဖြင့် ဖေဖော်ဝါရီ ၁၅ ရက်တွင် ၎င်းအား လိုအပ်သည့် စစ် ဆေးဖော်ထုတ်မှုများ ဆောင်ရွက်ခဲ့ရာ ၎င်းသည် ၂၀၂၃ ခုနှစ်၊ ဇန်နဝါရီလခန့်တွင် TikTok လူမှုကွန်ရက် စာ မျက်နှာမှ တွေ့ရှိသည့် Mashala Tech Co.,Ltd အ မည်ရှိ အွန်လိုင်းချေးငွေ ဝန်ဆောင်မှုလုပ်ငန်း၊ Team – A တွင် ချေးငွေကောက်ခံသူအဖြစ် တစ်လလျှင် လစာ ၃၂၀၀၀၀ ကျပ်ဖြင့် စတင်ဝင်ရောက်ခဲ့ကြောင်း၊မဆုရည်နွယ် ၏ ထွက်ဆိုချက်များအရ Mashala Tech CO.,Ltd အမည်ရှိ Online ချေးငွေလုပ်ငန်းဖြင့် အများပြည်သူများထံမှ ဂုတ်သွေးစုပ် ငွေကြေးအမြတ် ထုတ် လိမ်လည်လုပ်ကိုင်နေသူများအား ဖေဖော်ဝါရီ ၁၅ ရက်မှ ၂၂ ရက်အထိ ဖော် ထုတ်ဖမ်းဆီးခဲ့ရာ မမြတ်စန္ဒာဝင်း(ခ)စန္ဒာ အပါ အဝင် စုစုပေါင်း တရားခံ ၁၃ ဦးအား ၎င်းတို့လိမ်လည်ရာ တွင် အသုံးပြုသည့် ပစ္စည်းများဖြစ်သည့် Laptop ၁၃၃ လုံး၊ လက်ကိုင်ဖုန်း ၁၀ လုံး၊ မော်တော်ယာဉ် ၁ စီးတို့နှင့်အတူ ဖမ်းဆီးရမိခဲ့ခြင်းဖြစ်ကြောင်း နစက၏ သတင်းထုတ်ပြန်ချက်အရ သိရသည်။

ဖမ်းဆီးရမိသူများအား စစ်ဆေးဖော်ထုတ်ချက်များအရ အထက်ပါ Mashala Tech CO.,Ltd အား ဦးဇေယျာမင်း (ဘ) ဦးအောင်မင်း တစ်ဦးတည်းအမည်ဖြင့် မှတ်ပုံတင်ထားသော်လည်း အမှန်တကယ် လုပ်ငန်းလုပ် ကိုင်နေသူမှာ တ ရုတ်နိုင်ငံသား Mr. Yu Linfeng (ခ) Willian ဖြစ်ကာ ဗိုလ်တထောင်မြို့နယ်၊ ကမ်းနားလမ်း၊ အမှတ်(၄၄/၅၆) MMG Tower၊ (၆)လွှာ၊အခန်း(၆၀၄) တွင် ဖွင့်လှစ်ထားရှိကြောင်း၊ Mr. Yu Linfeng သည် ဇန်နဝါရီ ၅ ရက်၌ ကမ္ဘောဒီးယား နိုင်ငံသို့ ထွက်ခွာသွားရာမှ မြန်မာနိုင်ငံသို့ ပြန်လည်ဝင်ရောက်ခြင်းမရှိသေးကြောင်း၊ ကုမ္ပဏီအနေဖြင့် အွန်လိုင်းချေးငွေလုပ်ငန်းများ လုပ်ကိုင်ရာတွင် Mr. Yu Linfeng က ဦးဆောင်ပြီး ဖမ်းဆီးရမိပြီးဖြစ်သည့် HR ဝန်ထမ်းဖြစ်သူ မြတ်စန္ဒာဝင်း၊ Assistant HR ဝန်ထမ်းများဖြစ်သူ ဖမ်းဆီးရမိပြီးဖြစ်သည့် မမို့မို့အောင် နှင့် ဖမ်းဆီးရန် ကျန် ကျော်မင်းဖြိုး တို့က ကြီးကြပ်လုပ်ကိုင်လျက်ရှိကြောင်း၊ ၎င်းတို့ ၏ ကြီးကြပ်မှုအောက်တွင် အွန်လိုင်း ချေးငွေများရယူလာစေရေး ဆွဲဆောင်သည့်အဖွဲ့၊ ချေး ငွေ Application Download ပြုလုပ်ရန် ခိုင်းစေသည့်အဖွဲ့၊ ချေးငွေလျှောက် လွှာစိစစ်သည့် အဖွဲ့နှင့် ချေးငွေပြန်လည် ခြိမ်းခြောက်တောင်းခံသည့် အဖွဲ့ဟူ၍ အဖွဲ့ ၄ ဖွဲ့ခွဲကာ လုပ်ကိုင်လျက်ရှိကြောင်း၊ချေးငွေလျှောက်လွှာစိစစ်သည့်အဖွဲ့အားဖမ်းဆီးရမိပြီးဖြစ်သည့် Leader ဖြစ်သူ မလွင်မေချစ် အပါအဝင် အဖွဲ့ဝင် ၁၅ ဦးဖြင့် လည်းကောင်း၊ ချေးငွေပြန်လည်ခြိမ်း ခြောက်တောင်းခံသည့် အဖွဲ့ကို Team A, E, J, N, S, X အဖွဲ့ ၆ ဖွဲ့ ခွဲထားပြီး Team-A တွင် ဖမ်းဆီးရမိပြီးဖြစ်သည့် Leader ဖြစ်သူ မဝေဖြိုးသွယ်နှင့် Data Analysis ဖြစ်သူ မအေးမြင့်သူ အပါအဝင် ချေးငွေကောက်ခံသူ ၁၅ ဦး၊ Team-E တွင် ဖမ်းဆီးရန်ကျန် Leader ဖြစ်သူ မောင်လ ဝန်းယံ အပါအဝင် ချေးငွေကောက်ခံသူ ၁၀ ဦး၊ Team-N တွင် ဖမ်းဆီးရန်ကျန် Leader ဖြစ်သူ လင်းကောင်းခန့် အ ပါအဝင် ချေးငွေကောက်ခံသူ ၁၀ ဦး၊ Team-J တွင် ဖမ်း ဆီးရမိပြီးဖြစ်သည့် Leader ဖြစ်သူ မရတနာ အပါအဝင် ချေးငွေ ကောက်ခံသူ ၂၀ ဦး၊ Team-S တွင် ဖမ်းဆီးရန်ကျန် Leader ဖြစ်သူ မနှင်းလပြည့် နှင့် မောင်ဇာနည်ဖြိုး အပါအဝင် ချေးငွေကောက်ခံသူ ၁၆ ဦး၊ Team-X တွင် ဖမ်းဆီးရန် ကျန် Leader ဖြစ်သူ မပန်းအိမွန်နှင့် မနှင်းအိခိုင် အပါအဝင် ချေးငွေကောက်ခံသူ ၂၀ ဦး၊ စုစုပေါင်း ၉၁ ဦး တို့ဖြင့် ဖွဲ့စည်းထားကြောင်း ၊Mashala Tech ကုမ္ပဏီအနေ ဖြင့် Morning Cash ၊ Smile Loan ၊ Cash Loop ၊ WA Wallet ၊ PK Cash ၊ AJ Cash ၊ Morning Wallet ၊ Sky Cash ၊ Happy Cash ၊ Sun Bag ၊ Zuri Loan နှင့် Quick Cash စသည့် ချေးငွေ App များအား အများပြည်သူ မြင်သာနိုင်ရန် Wave Money Application တွင် ထည့်သွင်း ကြော်ငြာခြင်းများကို လုပ်ဆောင်လျက်ရှိကြောင်း၊ ချေးငွေရယူလိုသူများအနေဖြင့် အဆိုပါ Appများကို Download ပြုလုပ်၍ ဖုန်းအတွင်း Install ပြုလုပ်ပြီးပါက Register ပြုလုပ်ရန်အတွက် ချေးငွေပုံစံဖြည့်သွင်းရာ တွင် အမည်၊ ဓာတ်ပုံ၊ ဖုန်းနံပါတ်၊ ငွေလက်ခံမည့် KBZ Pay/Wave Pay အကောင့်များ၊ နိုင်ငံသားစိစစ်ရေးကတ် (ရှေ့/နောက်)ဓာတ်ပုံနှင့် Gmail တို့ကို ဖြည့်သွင်းပေးရကြောင်း၊ ဖုန်းတွင် Permission Access တောင်းခံပြီး ချေးယူလိုသူက Allow ပြုလုပ်ပါက Gmail ချိတ် ဆက်ထားသည့် ဖုန်း Contact များအားလုံးကို App က တရားမဝင် ရရှိသွားကြောင်း၊ ထိုသို့ ပြုလုပ်ပြီးနောက် ချေး ငွေရယူလိုသူများထံ ချေးယူမည့် ငွေပမာ ဏ၏ ၃၀ ရာခိုင် နှုန်းကို အတိုးဖြတ်တောက်၍ KBZ Pay/ Wave Pay မှတစ်ဆင့် လွှဲပြောင်းပေးပြီး အ နည်းဆုံး ငွေ ၃၀,၀၀၀ ကျပ်မှ အများဆုံး ငွေ ၃၀၀,၀၀၀ ကျပ်အထိချေးပေးကြောင်း၊ ထို့ နောက် ချေးယူငွေများအား တစ်ပတ်အတွင်း ပြန်လည်ပေးဆပ်စေပြီး ကုမ္ပဏီဝန်ထမ်းများ အနေဖြင့် ချေးငွေရယူထားသူများအား ဖုန်းဖြင့်ခေါ်ဆိုခြင်း၊ Viber သို့မဟုတ် SMS မှတစ်ဆင့် ချေးငွေပေးဆပ်ရန် ဆက်သွယ်တောင်းဆိုခြင်းများ ပြု လုပ်ကြောင်း၊ ချေးငွေ ပြန်လည်ပေးဆပ်ခြင်းမရှိသူ များနှင့် ၎င်းဖုန်းအတွင်းမှ Contact Person များကို ဖုန်းဖြင့် ဆက်သွယ်၍ ဆဲဆိုခြင်း၊ ခြိမ်းခြောက်ခြင်းများ ပြု လုပ်သည့်အပြင် လူမှု ကွန်ရက်စာမျက်နှာများတွင် အရှက် တကွဲဖြစ်စေရန် ခြိမ်းခြောက်ပြောဆိုခြင်းများ ပြုလုပ်ကြောင်း သိရသည်။

ငွေကြေးလိမ်လည်သူများအနေဖြင့် အဖွဲ့များဖွဲ့၍ အ ထက်ပါနည်းလမ်းများ အပါအဝင် အခြားနည်းလမ်းမျိုးစုံဖြင့် ငွေ ကြေးအမြတ်ထုတ်လျက်ရှိပြီး အများပြည်သူ များ သတိပြုမိနိုင်စေရေးအတွက် ဖြစ်စဉ်တစ်ခုအနေဖြင့် ဖော်ပြရမည်ဆိုပါက အသေးစား စား သောက်ကုန်ဖြန့်ချိရေးလုပ်ငန်း လုပ် ကိုင်သူတစ်ဦးထံသို့ ငွေကြေးလိမ်လည်သူ များအနေဖြင့် Delivery Service အသွင် ဖုန်းဖြင့်ဆက်သွယ်၍ ၎င်းတို့ lService အား စမ်းသပ်အသုံးပြုရန် ဆက်သွယ်ခဲ့ကြောင်း၊ ထို့နောက် ဖုန်းဖြင့်ဆက်သွယ်ခြင်း၊ Viber မှ Video Call များခေါ်ဆိုခြင်းများ ပြုလုပ်ပြီး ယုံကြည်မှုရရှိစေရန် ဆောင်ရွက်ကာ လုပ်ငန်းနှင့်ပတ်သက်၍ စာ ချုပ်ချုပ်ခြင်း၊ လျှောက်လွှာတင်ခြင်းများ ဆောင်ရွက်ရန် အတွက် App တစ်ခုအား Download ပြုလုပ်စေခဲ့ပြီး Permission များ တောင်းသည့်အခါတွင် Allowed ၊ Accept များ ပြုလုပ်စေခဲ့ကာ လုပ်ငန်းရှင်ဖြစ်သူ၏ ဖုန်းအတွင်းမှ Contact ၊ Call log ၊ SMS ၊ Photo ၊ Video ၊ G-Mail ၊ K pay ၊ Wave pay အသုံး ပြုသည့် ဖုန်းနံပါတ်များ အပါအဝင် ကိုယ်ရေး ကိုယ်တာအချက်အလက်များ အား နည်းပညာဖြင့် Hack ၍ တရားမဝင်ရယူခဲ့ကြောင်း၊ ထိုသို့ဆောင်ရွက်ပြီး ရက် ပိုင်းအတွင်း၌ လုပ်ငန်းရှင်ဖြစ်သူ၏ K pay အတွင်းသို့ အကြောင်းတစ်စုံတစ်ရာမရှိဘဲ ငွေပမာဏတူ ငွေလွှဲ(၆) ကြိမ် ရောက်ရှိလာခဲ့ပြီး ဖုန်းနံပါတ်တစ်ခုဖြင့် ဆက်သွယ်ကာ ဖုန်းနံပါတ်လွဲမှား၍ ငွေပေးပို့မိသည့်အသွင်ဖြင့် ပြော ဆို၍ ငွေများအား ပြန်လည်လွှဲစေ ခဲ့ကြောင်း၊ ထိုသို့ဖြစ်ပေါ်ခဲ့ပြီး တစ်ပတ်ခန့်အကြာတွင် ဖုန်းနံပါတ်မျိုးစုံဖြင့် ဆက်သွယ်၍ ၎င်းတို့ထံမှ ရယူထားသည့် Online ချေးငွေများအား ပြန်လည်ပေးဆပ်ရန် ဆက် တိုက်ပြောဆိုခဲ့သော ကြောင့် လုပ်ငန်းရှင်မှ ၎င်းအနေ ဖြင့် မည်သည့်ချေးငွေမျှ ရယူထားခြင်းမရှိကြောင်း၊ မသိကြောင်း ပြောဆိုရာတွင် ဆဲဆိုခြင်း၊ ခြိမ်းခြောက် ခြင်းများ ပြုလုပ်ခဲ့ကြောင်း၊ လုပ်ငန်းရှင်ကိုသာမက ၎င်းတို့ တရားမဝင်ရယူထားသည့် လုပ်ငန်းရှင်၏ Contact အတွင်းမှ ဆွေမျိုးသားချင်းများ၊ လုပ်ဖော် ကိုင်ဖက်များထံသို့ လည်း ဆက်သွယ်အရှက်ခွဲခြင်းများ၊ သိက္ခာချခြင်းများ ပြုလုပ်လာသဖြင့် လုပ်ငန်းရှင် အ နေဖြင့် ချေးယူထားခြင်းမရှိသည့် ငွေကြေးပမာဏတစ်ခုအား မတတ်သာတော့ သဖြင့် လွှဲပေးလိုက်ရကြောင်း၊ ထိုသို့လွှဲပေးခဲ့ရပြီး ၂ ရက်ခန့် အကြာတွင်လည်း Viber မှတဆင့် Video Call ခေါ်ထားသည့်ပုံများ၊ ဖုန်းအတွင်းမှ ကိုယ်ရေး ကိုယ်တာပုံများ၊ မှတ် ပုံတင်များဖြင့် ခြိမ်းခြောက်၍ ငွေ ကြေးပမာဏတစ်ခုအား ထပ်မံခြိမ်းခြောက် တောင်းဆိုခဲ့ပြီး လုပ်ငန်းရှင်မှပေးဆောင်နိုင်ခြင်းမရှိသောအခါ အထက်တွင်ဆောင် ရွက်ခဲ့သည့်အတိုင်း လုပ်ငန်းရှင်၏ Contact အတွင်းမှ ဆွေမျိုးသားချင်းများ၊ လုပ်ဖော် ကိုင်ဖက်များထံသို့ ဆက်သွယ်အရှက်ခွဲခြင်းသာမက လူမှုကွန်ယက်စာ မျက်နှာများ၌ လုပ်ငန်းရှင်၏ ဓာတ်ပုံများ၊ ဖုန်းနံပါတ်များ၊ မှတ်ပုံတင်များတင်၍ အကြမ်းဖက် PDF ဖြစ်ကြောင်းစသည့်နည်းလမ်းမျိုးစုံဖြင့် ခြိမ်းခြောက်မှုများ လုပ်ဆောင်ခဲ့ကြောင်း စစ်ဆေးဖော်ထုတ်နိုင်ခဲ့သည်။

ဖြစ်စဉ်တွင် ဖမ်းဆီးရန်ကျန် တရုတ်နိုင်ငံသားဖြစ်သူ Mr.Yu Linfeng(ခ) Willian နှင့် ဖမ်းဆီးရမိသူများဖြစ်သည့် မမြတ်စန္ဒာဝင်း(ခ)စန္ဒာ၊ မအေးမြင့်သူ(ခ) ဇူးဇူးကို၊ ဆုရည်နွယ်၊ မဝေဖြိုးသွယ်(ခ)မဝေ၊ မင်းခန့်ကျော်၊ ဇော်ထက်အောင်၊ ကျော်ဇင်ထက်၊ မရတနာ၊ မလွင်မေချစ်၊ ရဲနိုင်ဝင်း၊ မမို့မို့အောင်၊ မင်းခန့်ကျော်(ခ) ခန့်ကျော်၊ ငြိမ်းချမ်းဆွေ နှင့် မစုစုအေး တို့အား အမှုဖွင့်လှစ်၍ တရားဉပဒေနှင့်အညီ အရေးယူမှုများ ဆောင် ရွက်နိုင်ရေး ဆက်လက်ဆောင်ရွက်လျက်ရှိပြီး ဖြစ်စဉ်တွင် ပါဝင်ပတ်သက်သူများအား အမြန်ဆုံးဆက်လက်ဖမ်းဆီးရမိရေး ဆောင်ရွက်လျက်ရှိကြောင်း သိရသည်။

Visited 10 times, 1 visit(s) today

Leave a Reply

Your email address will not be published. Required fields are marked *