နယ်သာလန်နဲ့ ဒိန်းမတ်နိုင်ငံတွေက ယူကရိန်းကို အမေရိကန် F-16 တိုက်လေယာဉ်တွေ ထောက်ပံ့ဖို့ ဆုံးဖြတ်

စကရိုက်စထရပ်( ဒိန်းမတ်)၊ ဩဂုတ် ၂၀

ရုရှားရဲ့  ကျူးကျော်မှုကို ယူကရိန်းတို့ ကာကွယ်ဖို့   နယ်သာလန်နဲ့ ဒိန်းမတ်နိုင်ငံတို့ဟာ အမေရိကန် F-16 တိုက်လေ ယာဉ်တွေ ပံ့ပိုးပေးမယ့်သမိုင်းဝင် ဆုံးဖြတ်ချက်ကို ကြိုဆိုလိုက်တဲ့ အကြောင်း ယူကရိန်းသမ္မတ ဗောလန်ဒင်မာ ဇလန်းစကီး က ဩဂုတ်လ ၂၀ရက်က ပြောဆိုလိုက်ပါတယ်။။

ဇလန်းစကီးဟာ  ယူကရိန်း လေတပ်ကို အားကောင်းစေဖို့ လအတန်ကြာအောင် အဆင့်မြင့် ဂျက်လေယာဉ်တွေကို လိုအပ် နေခဲ့တာလည်း ဖြစ်ပါတယ်။

ယူကရိန်းလေယာဉ်မှူးတွေကို အခုလ ဩဂုတ်မှာ စလေ့ကျင့်ပေးဖို့  စီစဉ်ထားပြီး ဖြစ်သလို ယူကရိန်းကို  F-16 တွေလွှဲ ပြောင်းပေးဖို့ ဝါရှင်တန်က  ဩဂုတ် ၁၈ရက် သောကြာနေ့ကကြေညာခဲ့ပြီး ယူကရိန်းမှာ ဂျက်တိုက်လေယာဉ်တွေကို ၂၀၂၄ ခုနှစ်အစောပိုင်းမှာ စပြီး တပ်ဖြန့်နိုင်စေမှာ ဖြစ်ပါတယ်။

အဲဒိလို့ ဆုံးဖြတ်ချက် ချနိုင်ခဲ့တာနဲ့ ပတ်သက်ပြီး “ကျွန်တော်တို့အတွက် သမိုင်းဝင်စေပြီး စိတ်အားထက်သန်စေတယ်” လို့ နယ်သာလန် အိုင်ဒိုဗင် လေတပ်အခြေစိုက်စခန်းကို ဒတ်ချ်ဝန်ကြီးချုပ် မတ်ခ် ရူတယ် နဲ့အတူ   အလည်ရောက်နေတဲ့ ဇလန်းစကီး က ပြောပါတယ်။

ရူတယ်က ပြောဆိုရာမှာ  ကိ့ဖ်အတွက် F-16 အရေအတွက်ကို မဆုံးဖြတ်ရသေးပေမယ်လည်း ဇလန်းစကီးကတော့ “ကျွန်တော်တို့  စစ်သည်တော်တွေ အတွက်  ကြီးမားတဲ့ တိုက်ခိုက်ရေးလေယာဉ် ၄၂ စီးကို လက်ခံရပါလိမ့်မယ်” လို ပြောပါတယ်။

နောက်ရက်တွေမှာတော့ ဇလန်းစကီးဟာ  ဒိန်းမတ်နိုင်ငံက စကရိုက်စထရပ်  လေတပ်အခြေစိုက်စခန်းကို သွားရောက်ခဲ့ရာ ၀န်ကြီးချုပ် မက် ဖရက်ဒစ်ကဆန်က  ကြိုဆိုနှုတ်ဆက်ခဲ့ပြီး “ခင်ဗျားတို့ လိုအပ်တာကိုလည်း ကျွန်တော်တို့ သိပါတယ်၊ ဒါကြောင့်မို့လို့ ယူကရိန်းကို F-16 တိုက်လေယာဉ် ၁၉ စင်း လှူဒါန်းမယ်လို့ ဒီနေ့ ကြေငြာပါတယ်။” ဆိုပြီး တရားဝင် ထုတ်ပြော လိုက်ပါတယ်။

အခုနှစ်ကုန်မှာ ဂျက်တိုက်လေယာဉ် ခြောက်စင်း၊ လာမယ့်နှစ်မှာရှစ်စင်းနဲ့  ၂၀၂၅ ခုနှစ်မှာ ငါးစင်း ပေးပို့မှာ ဖြစ်တယ်လို့ လည်းသိရပါတယ်။

Ref:AFP

Feature Image Credit: Tech. Sgt. Matthew Lotz/U.S. Air Force