ထိုင်းမှာ နှစ်ထပ်ဘတ်စ်ကားတစ်စီး သစ်ပင်ဝင်တိုက် ကားနှစ်ခြမ်းကွဲပြီး ခရီးသည်၁၄ ယောက်သေဆုံး

ဘန်ကောက် ၊ ဒီဇင်ဘာ ၅

ထိုင်းနိုင်ငံ တောင်ပိုင်းမှာ ခရီသည်တင်  နှစ်ထပ်ဘတ်စ်ကား တစ်စီး လမ်းဘေးသစ်ပင်ကို  ဝင်တိုက်မိလို့ ခရီးသည် ၁၄ ယောက်ထက်မနည်း သေဆုံးပြီး ၃၂ ယောက် ဒဏ်ရာရခဲ့တယ်လို့ ထိုင်း ရဲတပ်ဖွဲ့က ဒီဇင်ဘာ ၅ ရက်မှာ ထုတ်ပြန်ကြေ ငြာပါတယ်။

 ဒီဇင်ဘာ၄ရက်နေ့ ညက ဘန်ကောက်ကနေ တောင်ဘက်အစွန်ဆုံးကို ခရီးထွက်ခွာမောင်းနှင်လာတဲ့  အဝေးပြေးနှစ်ထပ် ကား တစ်စီး ဟာ  ပရာချောက် ကီရီ ချန် ခရိုင်က လမ်းဘေးသစ်ပင်တစ်ပင်ကို ဝင်တိုက်မိပြီး  သစ်ပင် က ကားကို အလယ် ကနေ ခွဲပြီး ဖြတ်ဝင်းသွားတဲ့ ဖြစ်ရပ် ဖြစ်ခဲ့ပါတယ်။

ပြည်တွင်းမီဒီယာတွေမှာ တင်ထားတဲ့  ဓာတ်ပုံတွေမှာ  ဘတ်စ်ကားရဲ့  ရှေ့ပိုင်းကို အရှိန်ပြင်းပြင်းနဲ့  နှစ်ပိုင်းခွဲပြီး အလယ်မှာ ညှပ်နေတဲ့  သစ်ပင်ကို တွေ့ကြရပါတယ်။

“ပဏာမစုံစမ်းစစ်ဆေးမှုအရ လူ ၁၄ယောက် သေဆုံးပြီး ၃၂ယောက်က ဒဏ်ရာရရှိခဲ့ပါတယ်” လို့ ခရိုင်ရဲ စုံစမ်းစစ်ဆေး ရေးမှူး အာနွန် က   AFP ကို ပြောပါတယ်။ ဆက်ပြီးလည်း စုံစမ်းစစ်ဆေးမှုတွေ လုပ်နေတဲ့အကြောင်း ရှင်းပြခဲ့ပါတယ်။

ယာဉ်တိုက်မှုဖြစ်ရတဲ့  အကြောင်းရင်းကို အတည်မပြုနိုင်သေးပေမယ့်လည်း ယာဉ်မောင်းကတော့ ဒဏ်ရာအပြင်းအထန် ရခဲ့ပြိး အသက်ရှင်ကျန်ရစ်ခဲ့တယ်လို့ သိရပါတယ်။ယာဉ်မောင်းဟာ အိပ်ချိန်လုံလောက်မှုမရှိဘူးလို့ ရဲတပ်ဖွဲ့က သံသယရှိနေ တဲ့အကြောင်းလည်း သိရပါတယ်။

“သူ့ရဲ့သွေးနဲ့ အရက် ပါဝင်မှု ရှိမရှိကိုတော့စစ်ဆေးဖို့ဆေးရုံနဲ့ပေါင်းလုပ်နေပါတယ်” လို့ အာနွန်က ပြောပါတယ်။

သေဆုံးသူ အားလုံးဟာ ထိုင်းလူမျိုးတွေ ဟုတ်မဟုတ် ကိုလည်း ရဲတပ်ဖွဲ့က စုံစမ်းစစ်ဆေးဆဲ ဖြစ်တယ်လို့ သိရပါတယ်။

ထိုင်းနိုင်ငံဟာ  ကမ္ဘာပေါ်မှာ  ယာဉ်မတော်တဆမှုနှုန်း အမြင့်ဆုံးနိုင်ငံဖြစ်ပြီး နှစ်စဉ် လူပေါင်း ၂၀၀၀၀လောက် သေဆုံးနေ တယ်လို့ ကမ္ဘာ့ကျန်းမာရေးအဖွဲ့ရဲ့ အချက်အလက်တွေ အရ သိရပါတယ်။

Ref: AFP

ပုံစာ။ နှစ်ခြမ်းကွဲနေတဲ့ ဘတ်စ်ကားကို တွေ့ရပုံ

Feature Image Credit: Reuters/TPBS