စင်္ကာပူက ဂါဇာကမ်းမြောင်ဒေသအတွက် တတိယအသုတ် လူသားချင်းစာနာထောက်ထားမှု အကူအညီတွေ ပေးပို့ ပြင်ဆင်နေ

စင်္ကာပူ၊ မတ် ၁၅

ဂျော်ဒန်က တစ်ဆင့် ဂါဇာကမ်းမြောင်ဒေသအတွက် လူသားချင်းစာနာထောက်ထားမှုအကူအညီ တတိယအသုတ်ကို စင်ကာပူနိုင်ငံက ပေးပို့ဖို့ ပြင်ဆင်နေတယ်လို့ နိုင်ငံခြားရေးဝန်ကြီးဌာန (MFA) က မတ်လ ၁၅ရက် သောကြာနေ့မှာ ပြောဆိုလိုက်ပါတယ်။

နိုင်ငံခြားရေး ၀န်ကြီး ဘီဘီယန် ဗာလာခရစ်ရှန် က  ဂျော်ဒန် အစိုးရနဲ့  ပူးပေါင်းကာ  အကူအညီတွေ လွှဲပြောင်းပေးနိုင်ဖို့ မနက်ဖြန်  စနေနေ့မှာ ဂျော်ဒန်နိုင်ငံကို   အလုပ်သဘော သွားရောက်မယ်လို့ သိရပါတယ်။

စင်္ကာပူသမ္မတနိုင်ငံ လေတပ် (RSAF) ဟာ  မစ်ရှင်အတွက် A330 Multi-Role Tanker Transport (MRTT) နဲ့ C-130 သယ်ယူပို့ဆောင်ရေး လေယာဉ်တွေကို အသုံးပြုခဲ့တဲ့အကြောင်း သိရပါတယ်။

ကျန်းမာရေးဝန်ကြီးဌာန (MOH) နဲ့ အစိုးရမဟုတ်တဲ့  စင်္ကာပူကယ်ဆယ်ရေးအဖွဲ့အပါအဝင် အေဂျင်စီတွေ ပူးပေါင်းပြီး လူသားချင်းစာနာထောက်ထားမှုဆိုင်ရာ အကူအညီတွေ ထောက်ပံ့ပေးရေး ပေါင်းစပ်ညှိနှိုင်းပြီး ဆောင်ရွက်ခဲ့ကြတာ ဖြစ်ပါတယ်။

Ref: CNA

ပုံစာ။ ထောက်ပံ့ရေးရိက္ခာပစ္စည်းတွေ C-130 လေယာဉ်ပေါ် တင်နေစဉ်

Feature Image Credit: MINDEF

Visited 16 times, 1 visit(s) today

Leave a Reply

Your email address will not be published. Required fields are marked *