ကြည့်မြင်တိုင်မြို့နယ် ရန်ကုန်မြစ်အတွင်းမှာ ဒီဇယ်တင်သင်္ဘောတစ်စီး မီးလောင် ပေါက်ကွဲမှုဖြစ်

■သင်္ဘောရဲ့ ရေမြုပ်ပန့်အပူလွန်ရှော့ဖြစ်ပြီး မီးလောင်ပေါက်ကွဲခဲ့တာကြောင့် ရေယာဥ်ဉ်ဝန်ထမ်းအမျိုးသား၂ဦးသေဆုံးခဲ့ရပြီး၂ဦးပျောက်ဆုံးနေတယ်လို့ဆို

ရန်ကုန်တိုင်းဒေသကြီး၊ ကြည့်မြင်တိုင်မြို့နယ်၊ ဗားကရာဆိပ်ကမ်းအနီး၊ ရန်ကုန်မြစ်အတွင်းမှာ မတ်လ၁ရက်နေ့မ နက် ၂ နာရီ ၇ မိနစ်က သင်္ဘောမီးလောင်ပေါက်ကွဲမှုဖြစ်ပွားခဲ့တယ်လို့ မီးသတ်ဦးစီးဌာနက သိရပါတယ်။

“ဒီဇယ်ဆီတင်သင်္ဘောက ဆီတွေကို ရေမြုပ်ပန့်နဲ့ ပေးပို့နေချိန် ရေမြုပ်ပန့်အပူလွန်ကဲ ရှော့ခ်ဖြစ်ပြီး မီးလောင်ပေါက်ကွဲသွားခဲ့တာပါ။အမျိုးသားနှစ်ဦးသေပြီး အမျိုးသားနှစ်ဦးပျောက်ဆုံးနေပါတယ်”လို့ တာဝန်ရှိသူတစ်ဦးက ပြောပါတယ်။

မီးလောင်မှုဖြစ်ပွားရာကို ကြည့်မြင်တိုင်မြို့နယ်မီးသတ်စ ခန်းက မီးငြှိမ်းသတ်ယာဉ်(၁)စီး၊အလုံမြို့နယ်မီးသတ်စခန်းက မီးငြှိမ်းသတ်ယာဉ်(၁)စီး၊ ကမာရွတ်မြို့နယ်မီးသတ်စ ခန်းက မီးငြှိမ်းသတ်ယာဉ်(၁)စီး၊ စမ်းချောင်းမြို့နယ်မီး သတ်စခန်းက မီးငြှိမ်းသတ်ယာဉ်(၁)စီးတို့ ထွက်ခွာ မီးငြှိမ်းသတ်ပေးခဲ့ရတယ်လို့ သိရပါတယ်။

Visited 4 times, 1 visit(s) today

Leave a Reply

Your email address will not be published. Required fields are marked *